Nangirusat ti Cybercrime Investigation and Coordinating Center (CICC) ti kabaroan a kampania kontra kadagiti saan a rehistrado nga online lending platforms kasaruno iti panagado ti bilang dagiti Pilipino a mabikbiktima iti ilegal a pautangan iti internet.
Manipod Enero agingga Pebrero ita a tawen, nakaawat ti CICC iti arigna innem a gasut a reklamo a nangat-ngato kumparar iti isu met la a panawen idi 2025.
Patien ni CICC Executive Director Renato “Aboy” Paraiso nga adu pay iti kaso iti saan a naireport.
Segun ti CICC, adu iti makaallilaw nga online lending scheme ti agar-aramat ti online promotions a direkta a mapan iti website imbes a lehitimo nga app nga adda authorization wenno auto-collection features-na.
Ti nasao a wagas ket naaddaan ti access ti scammers iti contact list wenno social media accounts ti biktima nga ar-aramaten a pammutbuteng iti panag-harass.
