VIGAN CITY– Nagserbi kas kangrunaan a bisita iti probinsiya ni Sen. JV Ejercito kabayatan iti pannakalukat ken pannakasilaw iti christmas bazar iti sangawanan ti kapitolyo-probinsiyal, kabayatan iti pannakipaset na ti invitational ride ni dati a Congressman Ronald Singson.
Segun kenni Sen. Ejercito, nupay nagbiyahe iti agingga walo nga oras iti panagturong na iti syudad ti Vigan, napunas a naminpinsan iti bannug na gapu kadagiti napipintas a lugar a nakita na ken nagserbi pay kas guest iti pormal a panaglukat iti tinawen a christmas decors idiay kapitolyo kas panangrugi ti Christmas season iti probinsiya.
Kabayatanna, nagbalin met a kasla big bike show iti napasamak idi inparada dagiti nasurok a sangaribo a motorcycle riders dagiti agkakangina a motorsiklo nga inaramat da, pakairamanan iti kukua ni Sen. JV Ejercito ken iti singer a ni Gab Valenciano.
