--Ads--
Nangted ti ideya ni Senate President Pro Tempore Jinggoy Estrada mainaig iti Chinese national a timmulong kenni dismissed Bamban, Tarlac Mayor Alice Guo a naglibas iti pagilian.
Segun kenni Estrada, boss iti amin a boss ti Philippine Offshore Gaming Operators (POGO) ti ganggannaet a timmulong ken ni Guo a naglibas manipud Pilipinas.
Innayonna pay nga againgga ita ket adda isuna idiay Taiwan, ngem saanen a nangted pay ni Estrada ti naan-anay a detalye mainaig ti nasao a Chinese national.
Kabayatanna, ipaiman ni Estrada ken ni Senate Committee on Women Chairperson Risa Hontiveros ti panangibaga ti nagan iti ganggannaet a timmulong ken ni Alice Guo.
-- ADVERTISEMENT --
