VIGAN CITY – Inrusad iti Provincial Government of Ilocos Sur ti Chikiting Bakunation Days a nangrugi idi kalman agingga ita nga aldaw.
Ti programa ket kas paset iti selebrasyon ti World Immunization Awareness Week 2022 nga addaan iti tema a Long Life for all.
Maisayangkat iti nasao a programa iti duapulo ket uppat nga ili ken maysa a siudad nga isu iti ili ti Banayoyo, Bantay, Caoayan, Galimuyod, del Pilar, Magsingal, Nagbukel, Narvacan, Salcedo, San Emilio, San Esteban, San Ildefonso, San Vicente, Santa, Sta. Catalina, Sta. Cruz, Sta. Lucia, Santiago, Sto. Domingo, Sigay Sinait, Sugpon, Suyo ken Tagudin kasta payen iti siudad iti Vigan.
Kabayatanna, ita nga aldaw iti oras iti alas otso iti bigat agingga alas dose iti aldaw ket maisayangkat iti libre a HepaB Vaccine para kadagiti midwifery, nursing ken medical students idiay Ilocos Sur Provincial Capitol Hall.
