Naklaat ni dati nga Ilocos Sur Governor Chavit Singson iti pannaka-defer ti panagdengngeg ti Senate Blue Ribbon Committee mainaig kadagiti flood control project, nga immunan a naituding iti Abril 14.
Segun iti komite, ti rason ti pannakai-defer ti nasao a banag ket gapu iti saan a panangipasa ni Singson iti sworn affidavit-na.
Segun ken ni Singson, nakasagana isuna a mangipasa iti affidavit idi Abril 7, ngem naammuanna a na-defer ti hearing iti isu met laeng nga aldaw.
Pinasingkedan pay ti dati a gobernador nga awan ti ammona iti pannaka-defer ti hearing ket nakasagana latta a mangipasa iti affidavit ken dumar-ay iti public hearing.
Mangnamnama pay nga awan isuna ni Senador Panfilo Lacson tapno makatulong iti Senado kadagiti flood control project.
