Pinasingkedan ti Malakanyang a saan a mapagpatpatangan ita ti Charter Change (Cha-Cha) wenno proseso iti panag-amyendar iti 1987 Constitution.
Segun ken ni Palace Press Officer USec. Claire Castro, iti naudi a pannakitaripnong ti presidente iti economic team-na idi January 30, 2026 ket saan a napagpapatangan iti Cha-Cha.
Kinunana a nakatutok ni Pres. Ferdinand Marcos Jr. iti panagdur-as iti ekonomia iti pagilian.
No kas bilang addan iti naaramid nga addang dagiti agpampanday linteg maipanggep iti nasao a patangan ket adalen pay ti presidente.
Ti addang ket kasaruno iti pakaammo ni Senate Pres. Vicente “Tito” Sotto III a suportaran dagiti plano tapno amyendaran ti 1987 Constitution kas bilang maiduron.
Dayta ket kalpasan a pinatibker ti Korte Suprema ti ruling-da a mangdeklarar nga unconstitutional ti Articles of Impeachment kontra ken ni Vice President Sara Duterte.
Segun ken ni Sotto, nalawag a panangserrek ti bileg ti lehislatura ti pannakibiang ti Korte Suprema iti proseso iti impeachment nga eksklusibo nga akem iti kongreso.
