--Ads--
Impaganetget ni Governor Pamela Baricuatro a tunggal pamilia nga apektado iti magnitude 6.9 a ginggined idiay Cebu ket nakaawat ti tulong manipod iti gobierno.
Segun ken ni Baricuatro, ti administrasyonna ket saan nga agpili iti maikkan ti tulong ken saanda nga aramaten ti politika a pagibasaran ti tulong.
Kinunana nga iti baet a naidanonen iti relief goods kadagiti umili iti ili ket adda dagiti nasulinek a barangay a saan pay a naidanon iti tulong.
Tapno matignayan ket nangilatagen ti Kapitolyo ti Incident Command Operations system nga idadauluan ni Provincial Disaster Chief Dennis Francis Pastor tapno tumulong kadagiti lokal a gobierno a mangopadanon kadagiti ayuda iti barangay level.
-- ADVERTISEMENT --
