VIGAN CITY – Nagsagaba ti dunor iti nadumaduma a paset ti bagi na ti maysa a babai ta binagbagkong ti live in partner na idiay Brgy. Pug-os, Cabugao.
Nabigbig ti biktima a ni Rowena Ibe Ramos agtawen ti dua pulo ket innem ken iti suspek a ni Fredelito Azcueta Layugan agtawen ti uppat a pulo ket innem.
Basar ti imbestigasyon ti Cabugao Municipal Police Station, nagturong ti suspek iti pagtaengan ni Salustiano Baltazar no sadino mangmangged ti biktima kas caregiver agingga nga adda iti saan da a panagkinnawatan a mapapati a problema ti pamilya.
Ginandat ti biktima nga aglibas ngem nakamatan ti suspek ket binagbagkongna iti namin ado a daras iti paset ti tyan, saka ken ima.
Naipan ni Ramos ti Suero Hospital ngem naideklara a dead on arrival babaen ti attending physicianna.
Ti agdama iggemen ti PNP ti suspek ken ti patadem a naaramat a patadem a 13 inches ti kaatiddogna pakairamanan ti appotanna ken maisagsaganan ti kaso a murder kontra kenni Layugan.
