VIGAN CITY – Balligi a naisayangkat ti capacity-building training ti Local Government Unit-San Esteban nga in-facilitate ti Department of the Interior and Local Government – Ilocos Sur a naisayangkat idiay Baguio City idi June 17 ken 18, 2024.
Iti pannaki-uman ti Bombo Radyo Vigan ken ni Randy Dela Rosa a Provincial Director iti DILG-Ilocos Sur, ti training ket nakapokus iti panangpatibker ti Municipal Peace and Order Council, Municipal Anti-Drug Abuse Council, and Committees on Anti-Trafficking and Violence Against Women and Their Children iti San Esteban.
Segun ken ni Dela Rosa, ti nasao training ket inisponsoran ti Local Government Unit ket nagbalin a resource person ti DILG.
Naipakaammo kadagiti participant ti panangpabileg ti akem dagiti opisyal kadagiti council ken committees nga ayanda para iti panagtignay ken pannakagun-odda ti performance award babaen ti assessment criteria, functionality ti peace and order council, unti-drug abuse council, anti-trafficking and anti-violence against women and their children council.
Naipaganetget pay ti panangipateg maipanggep ti gender sensitivity in local governance.
VIDEO – RANDY DELA ROSA
