Nagbalaag ni Department of the Interior and Local Government (DILG) Secretary Jonvic Remulla iti publiko a saan nga aglangoy no nakainom ti arak bayat a naka-bakasion ti Holy Week ken summer season.
Segun ken ni Remulla, saan da a tiliwen dagituy a tao gapu ta san a krimen ti agragsak basta saan nga aglangoy no adda iti impluwensia.
Maideploy met dagiti pulis ken Coast guard personnel kadagiti coastal area tapno siguradoen ti seguridad dagiti umili kangrunaan ti oras ti alas-dyes pasado ti rabii gapu ta kadawyan a kastuy nga oras a mapasamak ti pannakalmes.
Basar iti Philippine National Police (PNP) rumrummuar nga adda innem a pulo ket uppat nga insidente ti pannakalmes idi Holy Week 2025, nangatngato no ikumpara iti uppat a pulo nga insidente a nairekord ti ahensia iti kapada a tawen idi 2024.
