Inruaren ti Commission on Elections ti Calendar of Activities para iti umuna a Parliamentary Elections iti Bangsamoro Autonomous Region in Muslim Mindanao.
Maibasar iti resolusyon ti poll body, inton May 5 agingga 7 a maisayangkat ti panagipila iti certificate of candidacies.
Manipud met July 16 agingga September 29 ti election period nga isunto payen ti pannakaipatungpal ti gun ban, pannakaiparit ti panagsukat ken panangbukel kadagiti baro a presinto, ken panangiyakar wenno suspension kadagiti kameng ti gobierno nga awan ti pammalubos ti Comelec.
July 30 agingga September 12 met ti campaign period sakbay ti September 14 nga isunto ti eleksion.
Mangrigi iti September 4 agingga iti mismo nga aldaw ti eleksion, nainget nga iparit ti COMELEC ti panangiruar iti pondo malaksid laeng iti medical ken burial assistance.
