Maysa a prank caller a nagpammarang kas doktor ti timmawag iti Burgos Police Station.
Ti nasao a prank caller ket nagpyam-ammo a ni Dr. Allan Mendoza, nga agkidkiddaw iti contact number ti Burgos Rural Health Unit ken Municipal Disaster Risk Reduction and Management Office.
Saan nga inted ti duty TOC personnel dagiti numero a kidkiddawen ti prank caller, ketdi binagaanda laeng daytoy nga ipakadada pay kadagiti personnel ken tawagandanto latta manen isunan.
Nagpatulong met ti nasao a personnel iti Intelligence officer tapno iberipika ken bigbigen ti timmawag babaen iti RHU ken MDRRMO.
Ngem kinuna dagiti dua nga opisina a saanda nga am-ammo ti nagan ti Dr. Allan Mendoza.
Pinadas manen a tawagan ti Intel personnel ti numero ti prank caller ket nagpayam-ammo kas MDRRMO personnel, ngem iniddep ti caller ti tawag agingga idi saandan daytoy a matawagan.
Patien dagiti pannakabagi ti linteg a posible a pananglimlimo wenno scam ti gandat ti prank caller.
