Nagsubli ti budget surplus iti Pilipinas idi Abril kalpasan a nakasapul iti gobierno iti nangat-ngato ngem iti ginastosda kas pinasingkedan ti Bureau of the Treasury (BTr).
No pay kasta ket bimmassit ti surplus iti P31.4 billion manipod P67.3 billion idi Abril idi napan a tawen wenno bimmaba ti 53.3 a porsiento.
Dayta ket dakkel a panagbaliw manipod P349.7 billion budget deficit idi Marso ken maikadua a surplus ita a tawen kalpasan ti P165.4 billion idi Enero.
Segun ti Bureau of the Treasury, bimmaba ti napastrek ti gobierno gapu iti panangyatiddog ni Pres. Ferdinand Marcos Jr. iti deadline ti panagipila ken panagbayad ti Annual Income Tax Return manipod April 15 agingga May 15 gapu iti ngimmato a magastos ta ngimmina iti presyo ti langis idiay Middle East.
