Umabot iti 66.9 a porsiento ti Gross Domestic Product ti debt-to-GDP ratio ti Pilipinas idi katapusan ti Setyembre, kangatwan iti uneg ti 22 a tawen wenno sipud pay idi 2004.
Segun iti Bureau of the Treasury, umaboten iti record a P19.66 trillion ti pakabuklan nga utang ti gobierno, kagiddan ti kimmapsut nga economic growth a 2.1 percent iti maikatlo a quarter.
Nagballaag met ni economist John Paolo Rivera a mabalin nga umabot iti 70 percent ti debt-to-GDP ratio sakbay nga agtapos ti tawen, depende iti panagdur-as ti ekonomiya, baro a pagannurotan ken garaw iti sukat ti piso.
Tapno malapdan ti agtultuloy a panagadu ti utang, insingasingna a mapapigsa ti ekonomiya ken koleksion ti buwis, kasta payen a siguradwen a mapan kadagiti produktibo a proyekto ti nautang a pondo.
