Silulukat ti Bureau of Corrections (BuCor) iti pangngeddeng ni President Ferdinand Marcos Jr. a mangipaay ita a bulan ti agingga P20,000 Service Recognition Incentive (SRI) saan laeng kadagiti personnel ti bureau no diketdi para kadagiti amin a government employees iti Executive branch.
Segun ken ni BuCor Director General Gregorio Pio Catapang Jr., ti pammigbig ket mangipakita iti napateg nga impact iti personnel iti ahensya kangrunaan ita a paskua.
Kinunana a ti addang ket panangbigbig ti kinapateg ti dedikasyon ken hard work dagiti government employee iti panawen iti panagrambak ken panagyaman.
Idi December 11 ket inruar ni Pres. Marcos ti Administrative Order No. 40 a mangipaay ti one-time SRI iti agingga P20,000 kadagiti personnel iti Executive branch pakairamanan ti civilian employees iti national government agencies, state universities and colleges (SUCs), ken government-owned or-controlled corporations (GOCCs) isuda man ket regular, contractual wenno casual positions.
