Pinaneknekan manen ti Bombo Radyo Philippines ti kinalaing na iti beneg ti panangipadamag kalpasan a mangabak iti 29th Golden Dove Awards ti Kapisanan ng mga Brodkaster ng Pilipinas (KBP).
Karaman kadagiti nangabak ti Star FM Bacolod kas Best FM Radio Station – Provincial, ti Bombo Radyo Roxas para iti Best Radio Station Promotional Material idinto a ti Bombo Radyo Koronadal kas Best Sports Program.
Ti KBP GOLDEN DOVE Awards ket tinawen a pammadayaw ti Kapisanan ng mga Brodkaster ng Pilipinas a mangbigbigbig kadagiti naisangsangayan a programa, personalidad, istasion, ken production work iti broadcasting.
Kabayatanna, walo pay a finalist manipud iti Bombo Radyo Philippines ti nangibagi iti network iti agduduma a kategorya pakairaman ti Best AM Radio Station – Provincial- Bombo Radyo Iloilo, Best FM Radio Station – Metro Manila-Star FM Manila, Best Newscast – Metro Manila- Bombo Network News, Best Newscast – Provincial- Bombo Radyo Cagayan de Oro at Bombo Radyo Iloilo, Best Special Program- Bombo Radyo Cebu, Best Public Service Announcement- Star FM Baguio, ken Best Radio Station Promotional Material-Star FM Baguio.
Dagituy a pammadayaw ket nayon a pammigbog iti agtultuloy a dedikasion ti Bombo Radyo Philippines a mangipaay ti de-kalidad a panangipadamag, nasayaat a programa ken serbision publiko kadagiti Pilipino iti intero a pagilian.
Dagituy a pammigbig ket napateg bayat nga selebraran ti Bombo Radyo Philippines ti 60 a tawen ti Media Excellence – innem a dekada a panangipaay ti damage, impormasion, ken serbisio iti intero a pagilian.
Iti salinong ti panangidaulo ti Chairman ti Bombo Radyo Philippines a ni Dr. Rogelio M. Florete ken President and CEO Margaret Ruth C. Florete, agtultuloy nga itandudo ti Bombo Radyo Philippines ti kinalaing, balanse ken responsable a panangipadamag.
Ipaay pay ti Bombo Radyo Philippines ti amin a pammadayaw kadagiti listeners ken viewers kasta pay dagiti kinanayon nga agtaltalek ken sumopsuporta iti network.
Bombo Radyo Philippines, The Number 1 Radio Network in the Country. Your Trusted Source of News and Information. Basta Radyo… Bombo!
