Kagiddan ti panangrambak iti maika-60 nga anibersaryo ti Bombo Radyo Philippines, padayawan ti sibubukel a network ni Dr. Rogelio M. Florete, Chairman ti Florete Group of Companies, a nagtultuloy ken ad-adda pay a nangpadur-as iti mission a rinugian ti amana a ni Don Marcelino Florete.
Iti salinong ti panangidaulona, nagbalin a maysa ti Bombo Radyo Philippines kadagiti katibkeran ken kangrunaan a mapagtalkan a broadcasting institution iti pagilian.
Pinalawana ti operasion ti network, intal-ona ti modernisasyon dagiti station, ken pinabilegna ti kultura ti propesyonalismo, integridad, ken serbisio publiko.
Ti pammatina a “Truth is non-negotiable and excellence is the benchmark” ti nagserbi a tarabay dagiti rinibo a journalist, broadcasters, ken empleado ti Bombo Radyo iti inaldaw a trabahoda.
Iti daytoy a prinsipio, agtultyuloy nga italtal-o ti network ti balanse a komentaryo, patas ken responsable a panagipadamag.
Iti panagidaulona, saan laeng a limmawa ti sakup ti Bombo Radyo iti intero a pagilian no di ket timmibker pay ti talek ti publiko iti network kas kangrunaan a pagalaan iti damag ken impormasion.
Gapu iti naisangsangayan a naitulongna iti industria ti media ken negosio, nabigbig ni Dr. Florete kas Lifetime Achievement Awardee ti Kapisanan ng mga Brodkaster ng Pilipinas (KBP), Captain of Industry in Media ti Philippine Chamber of Commerce and Industry–Western Visayas, ken immawat iti nadumaduma a prestihioso a pammigbig kas ti Ninoy Aquino Award for Nationalism, Golden Salakot Award, Diamond Lifetime Achievement Award for Mass Media, Dungog sang Iloilo Award, ken Business Icon in the Visayas.
Ita, iti panangrambak ti 60th anniversary ti Bombo Radyo Philippines, bigbigbigen ti sibubukel a network ti maysa a lider a ti bileg ken dedikasionna ti nangidatag iti natibker a pundasion ti balligi ti organisasion.
Agyaman, Dr. Rogelio M. Florete.
Iti inka panangidaulo, ti Bombo Radyo ket nagbalin a maysa nga instutusion a kangrunaan a pagtaltalkan dagiti Pilipino – gapu iti kinapudno, laing, ken pudno a serbisio publiko.
