Insayangkat ti Kapisanan ng mga Brodkaster ng Pilipinas (KBP) ti tallo nga aldaw a seminar-workshop para kadagiti media practitioner iti Ilocos Sur manipud Agosto 26 agingga 28, 2026.
Ti aktibidad a napasamak iti One Ilocos Sur Hotel, Vigan City ket nakapokus iti journalism, artificial intelligence wenno AI, ethics, ken responsible broadcasting.
Gagem ti seminar a manayonan ti ammo ken kinasanay dagiti journalist ken brodkaster iti panagaramat iti kabaroan a teknolohia kagiddan ti pannakaipaganetget ti kinapateg ti ethical ken responsable a panagipadamag.
Natratar dagiti patangan mainaig iti panagaramat iti AI iti media, agraman ti responsable a panagaramat iti daytoy ken ti panangpatalinaed ti husto ken mapagtalkan nga impormasion a maited iti publiko.
Babaen iti nasao a seminar, manamnama a mapapigsa ti kabaelan dagiti local media practitioner iti husto a panagipadamag ken panangipaay iti naintiempuan nga impormasion.
