Nakastrek iti finals ti nadumaduma a kategorya ti 2026 KBP Golden Dove Awards ti sangapulo ket maysa nga entries ti Bombo Radyo Philippines.
Karaman ditoy ti Bombo Radyo Iloilo para iti Best AM Radio Station – Provincial, STAR FM Manila para iti Best FM Radio Station – Metro Manila, ken Star FM Bacolod para iti Best FM Radio Station – Provincial.
Nakastrek pay iti Best Newscast – Metro Manila ti Bombo Network News, idinto a ti Bombo Radyo CDO ken Bombo Radyo Iloilo ket agpada a finalist iti Best Newscast – Provincial.
Karaman pay kadagiti finalist ti Bombo Radyo Cebu para iti Best Special Program, Bombo Radyo Koronadal para iti Best Sports Program, Star FM Baguio para iti Best Public Service Announcement, ken Bombo Radyo Roxas ken Star FM Baguio para iti Best Radio Station Promotional Material.
Adda dagiti kategorya a pagbibinnalubalan dagiti station ti Bombo Radyo ken Star FM, partikular iti Best Newscast – Provincial, a pagbinnalubalan ti Bombo Radyo Cagayan De Oro at Bombo Radyo Iloilo, ken iti Best Radio Station Promotional Material, a pagbinnalubalan ti Bombo Radyo Roxas ken Star FM Baguio.
Pammaneknek daytoy iti agtultuloy a panagikagumaan dagiti station ti Bombo Radyo ken STAR FM a maital-o ti laing iti panagipadamag ken panangipaay iti serbisio publiko iti intero a pagilian.
