--Ads--
Naranggas para iti Malakanyang ti kinuna ni Vice President Sara Duterte a kayatna a matuloy ti impeachment trial gapu ta kayatna nga adda bloodbath.
Segun ken ni Palace Press Officer Claire Castro, namnamaenna a figure of speech laeng daytoy ken saan a literal.
Innayon ni Castro a no daytoy a talaga ti kayat ti bise presidente ket urayen ti pagdur-asan ti impeachment process-na iti Senado.
Saan a makibiang ni Presidente Ferdinand Marcos Jr iti patangan nangruna no marugianen ti impeachment trial.
-- ADVERTISEMENT --
Maipalagip nga imbilin ti presidente kadagiti gabinetena kalpasan ti eleksyon a saan a makibiang iti impeachment, no di ket tutukan ti trabahoda ken ital-o dagiti programa nga agpaay kadagiti umili.
