VIGAN CITY– Personal a bimmisita ni Apayao Vice Governor Remy Albano iti istasyon ti Bombo Radyo Vigan tapno ibinglay ti pakaistoryaan ti biag na babaen iti Kahapon Lamang: “A light at the end of the tunnel”.
Inyistorya ni Vice Governor Albano dagiti rigat a naglabasan na sakbay na a nadanon iti posisyon kas bise gobernador .
Kinuna ni Albano a gapu idi iti kinarigat idi ti biag da ket pinaggidan na iti nagtrabaho ken nagbasa ti agricultural engineering kabayatan iti pannakigasang-gasat na idiay syudad ti Manila.
Nagbalin pay a narikot iti karera na iti pulitika kangrunaan idi mangrugrugi pay laeng agsipud ta adon dagiti naawat na a pangta ti biag.
Babaen iti isasali na iti pasalip iti Kahapon Lamang ket kayat ni Albano nga agserbi nga inspirasyon kadagiti dadduma iti nagbalin nga istorya na.
