Nangipila iti kaso a kriminal ti Bureau of Internal Revenue (BIR) iti Department of Justice (DOJ) kontra ken ni Alice Leal Guo gapu iti mapapati a tax evasion ken pannakapaay nga agipasa ti Annual Income Tax Returns manipod 2019 agingga 2023.
Mapatta-patta a nasurok P1.008 billion ti pagkurangan ti buwis karamanen ti surcharges ken interes,
Ti kaso ni Guo ti kadakkelan iti lima a kaso a kriminal nga impila ti BIR idi June 11, 2026 a pakabuklan a P1.46 billion a tax deficiency.
Maibasar iti imbestigasyon, rimmuar a ni Guo ket adda dakkel a sanikuana, lugan, helicopter, bank transactions ken investments ken dadduma pay a korporasyon ngem saan a nagipasa ti income tax returns iti uneg iti lima a tawen.
Inaramat ni BIR ti expenditure method tapno bigbigen ti sapulna ken naduktalan nga adda dakkel nga undeclared income-na.
Ni Guo ket nakasoan iti salinong ti Section 254 iti National Internal Revenue Code (NIRC) para iti Attempt to Evade or Defeat Tax ken Section 255 para iti failure to File Return and Pay Tax.
