Imbilin ni Pres. Ferdinand Marcos Jr. ti panangpapigsa iti industria ti electric vehicle (EV) iti Pilipinas babaen ti Executive Order No. 121.
Segun ken ni Palace Press Officer Undersecretary Claire Castro, maipatungpal ti Electric Vehicle Incentive Strategy Program tapno maallukoy iti ad-adu pay a kompania nga agpatakder kadagiti pabrika iti electric vehicle ken dagiti piyesana iti pagilian.
Kas insentibo, mangted ti gobierno ti tax incentive certificates kadagiti kompania a kualipikado ken sumurot kadagiti naituding a kondisyon.
Inlawlawag ni Castro a nainget nga imon-monitor iti gobierno iti pannakaipatungpal ti programa tapno masigurado a maipatpatungpal kadagiti benepisyaryo dagiti kari.
Namnamaen ti Malakanyang a mangipaay ti programa iti ad-adu nga agpuonan, panagpartuat ti nayon a trabaho kadagiti Pilipino, ken mangpapigsa iti takder iti Pilipinas iti global electric vehicle supply chain.
