Matuloy ti Barangay and Sangguniang Kabataan Elections (BSKE) uray pay naibatog iti All Soul’s Day segun ken ni Comelec Chairman Erwin George Garcia.
Segun ken ni Garcia, ti iskedyul a Nobiembre 2 ket isu ti napagnonomwan ti Kongreso.
Ti aldaw ti panagbotosan ket paset ti long weekend isu a makaawid dagiti botante kadagiti probinsia tapno maaddaan da ti gundaway nga agbotos.
Pinasingkedan ni Garcia a nakumpleton ti panag—print dagiti balota ken madaman ti proseso ti beripikasion ti Comelec.
Nasurok-kumurang 95 milyon a balota pakairamanan ti 70 milyon a balota para iti regular ken 25 milyon para iti Sangguniang Kabataan.
Sumaruno nga iskedyul ti ahensia ti panang-training kadagiti mangisursuro nga agserbi iti panawen ti botos ken ti panagipila ti certificates of candidacy inton Setyembre.
