--Ads--
VIGAN CITY – Nasarakanen ti bangkay ti maysa a seaman a nalmes idi kalman ti malem idiay Brgy. Callitong, Burgos.
Ti bangkay ti biktima a ni Roger Dalit Abril nga agtawen ti lima pulo ket maysa ket nasarakan idiay Brgy. Luna ti nasao nga ili.
Maipalagip nga idi kalman naipakammu kadagiti pannakabagi ti linteg ti pannakapukaw ti biktima bayat ti mapapati a panangisalakan na ti kalding ti waig a sakupen ti nasao a barangay ngem awan ti nakakita no ania iti pudno a napasamak ti biktima sakbay iti pannakalmesna.
Oras 9:14 ti bigat nasarakan ti bangkay ti biktima babaen iti agtultuloy nga operasyon ti MDRRMC, Burgos Municipal Police Station ken dagiti umili a timmulong.
-- ADVERTISEMENT --
