VIGAN CITY – Nabigbigen nu siasino ti lalaki a nasarakan iti bangkay na idiay Pampantoc cemetery, Barangay 8, Vigan City idi naminsan nga aldaw.
Segun ken ni Dante Villanueva, patien na a ti lalaki a nasarakan iti bangkay na idi Lunes ket isu ti putot na a ni Eric “Roger” Villanueva nga agtawenen iti nasurok a kwarenta ngem adda iti problema iti panagpanpanunut na ta ruwam na iti rumuwar iti pagtaengan da sa agpagna-pagna ken aglalaok a lugar iti pakadandanunan na ngem masurotan na met latta iti dalan nga agsubli iti pagtaengan da.
Kinuna ni Dante, napuyatan a nagpaspasungad ken ti putot na idi naminsan nga aldaw idi saan a nagawid ngem saan na a ninamnama a kasjay iti pakapay-anna.
Pinasingkedan met ni Pantay Daya, Vigan City barangay chairman Edgar Rabon a nasingpet ni Roger ken saan nga agdangdangran uray nu kanayon a makita na nga agpagna-pagna iti igid iti kalsada ken nu dadduma ket kapatpatang na pay iti bagbagi na.
