--Ads--
Nagpanawagan ni Senador Bam Aquino iti gobierno a maideklara ti price freeze kadagiti amin a kangrunaan a magatang gapu iti epekto ti panagpangina ti presio ti langis.
Segun ken ni Aquino, agtultuloy ti panagpangina ti presio ti diesel, gasolina, ken taraon isu a napateg nga agtignay nga insigida ti gobierno.
Iti panagdengngeg ti PROTECT Committee, kinumpirmaran ti ahensia a price monitoring laeng ti maipatpatungpal iti salinong ti Executive Order No 110 a mangideklara iti state of national emergency, ket saan a price freeze.
Kwinestionaran ni Aquino ti decision ket impaganetgetna nga agkurang ti addang tapno malapdan ti agtultuloy a panagpangina ti presio ti tiendaan, supermarket, ken grocery.
-- ADVERTISEMENT --
