--Ads--
Agtultuloy a maikairekrekord ti Philippine Institute of Volcanology and Seismology (PHIVOLCS) iti napigsa nga aftershocks iti dadduma a paset iti Mindanao maipanggep iti mapaspasaran a magnitude 7.8 a ginggined.
Iti listaan ti PHIVOLCS, nairekord itay 7:28AM ti magnitude 4.9 a ginggined iti kabaybayan ti Balut Island, Sarangani, Davao Occidental.
Tectonic iti nagtaudan ti ginggined nga adda kaunegna a sangapulo a kilometro.
Segun ti PHIVOLCS, narikna ti intensity 4 idiay Balut Island, Sarangani; Intensity 3 idiay Jose Abad Santos, Davao Occidental; Instrumental Intensity 2 idiay General Santos City; Intensity 1 idiay Malapatan ken Malugon, Saranganni, Tupi idiay South Cotabato, Santamaria, Davao Occidental, ken Digos City, Davao del Sur.
-- ADVERTISEMENT --
