--Ads--
Agtaltalinaed a buo ken normal ti operasion ti Mindanao grid kalpasan nga awan ti nairekord a perdisiyon kasaruno ti magnitude 5.0 nga aftershock a timmama iti kabaybayan a paset ti Sarangani, Davao Occidental.
Segun iti National Grid Corporation of the Philippines (NGCP), agtaltalinaed a natibker ti serbisio ti transmission ti kuryente iti Southwestern Mindanao.
Awan met ti nairekord a perdisiyon kadagiti transmission facility iti lugar ken ka-asideg a lugar a nakarikna ti ginggined isu nga agtaltalinaed a buo ti grid.
Kabayatanna, segun iti PHIVOLCS, tectonic ti pakaigapuan ti nadakamat a ginggined a narikna iti nadakamat a lugar.
-- ADVERTISEMENT --
