Pinasingkedan ni Police Major Benjamin Raquedan a datin nga adda kasona mainaig iti panagtakawan ti babai a nangrabsut iti kwentas ti maysa a balikbayan iti uneg ti St. John, the Baptist Church iti ili ti San Juan.
Ti biktima ket agtawen iti pitopulo ket innem, OFW manipud Hawaii, ken residente iti Barangay Bannuar, San Juan.
Ti met suspek ket agtawen iti limapulo ket innem, naasawaan ken agnaed iti Barangay Pug-os, Sinait.
Iti pannaki-uman ti Bombo Radyo Vigan ken Raquedan, inipit dagiti tallo a babbai ti biktima bayat ti iruruarna iti simbaan sa rinabsutda ti suotna a kwintas.
Ti kwentas ket maysa a 24 karat gold nga agdagsen ti 7.37 grams ken aggatad iti P50, 000.
Nagiryag ti biktima idi makitanan a natinnag ti kwentasna ket dagus a nagpatulong ken rinespondean met daytoy dagiti nakabantay a kapulisan ken barangay official.
Mapapati nga adda grupo ti suspek ken aramiddan ti agtakaw nangruna iti nasao nga ili.
Iti agdama, kaso a theft ti naipila kontra iti suspek ken P8,000 met ti naipila a pagpiansana.
