Auditors a karaman iti maanomalya a flood control, kayat ti maysa a senador a mairamanda a madusa

Kayat ni Sen. JV Ejercito a madusa dagiti auditor ti Commission on Audit (COA) a nakikunnusabus kadagiti flood control projects.

Segun ken ni Ejercito, saan laeng a dagiti opisyal ti Department of Public Works and Highways (DPWH) iti rumbeng a madusa nu diketdi rumbeng a maadal ti pannakairaman dagiti kameng ti COA ken Department of Budget and Management (DBM).

Imbutaktak ni Ejercito a mismo a ti sumagmamano a dati nga engineers ti DPWH ti nagkuna nga adda kakunsabusda manipod DBM ken COA.

Siguradoen ti COA nga agtultuloy iti imbestigasyon ti Fraud Audit Office ken maipasa dagiti findings iti Senado.