Pinasingkedan ni Manila 6th District Rep. Benny Abante a kasapulan iti nainget nga imbestigasyon ti anggulo a pinasingkedan ni Justice Secretary Crispin Remulla a posible a mainaig ti Davao Death Squad ti pannakapapatay dagiti mapukpukaw a sabungero.
Segun ken ni Abante, nasaysayaat a tutokan ti House Quad Committee ti plano nga i-convene manen iti 20th Congress.
Kinuna ni Abante a rimmuar iti imbestigasyon a mabalin nga adda pakainaigan ti illegal a sugal ken extra judicial killings.
Maipakagip a karaman iti extra judicial killings iti war on drugs ti Duterte Administration iti imimbestigaran ti house quad committee idi napalabas a 19th Congress malaksid iti operasyon ti Philippine Offshore Gaming Operators (POGO) ken operasyon ti illegal a droga.
