VIGAN CITY – Makitaripnong ti Archdiocese of Nueva Segovia kadagiti mangidaulo ti tunggal ili ken siudad tapno mapagsaritaan dagiti addaang a maaramid inton October 31 agingga November 2.
Ti pannaki-uman ti Bombo Radyo Vigan kenni Monsignor Cosmenio Rosimo, Vicar General ti Archdiocese of Nueva Segovia, nalpasen iti taripnongda kadua dagiti dadduma a padi ket napagdesisyonanda a makikooperar ken makitaripnong kadagiti mayor.
Isingasing dagiti padi iti panagdalos kadagiti kamposanto ket maaddaan ti schedule tapno saan nga agdudupudop dagiti tattao ta maaddaanda iti batang kasta met inton mapan agbisita dagiti umili kadagiti kamposanto ket agturongda iti kamposanto kabayatan iti pannakaaramid ti novena a mangrugi inton Oct 23 agingga October 31.
Innayon ti Monsignor a masapul iti koordinasyon kadagiti Local Government Unit tapno awan iti agbalin a parikot inton madanun iti nasao nga aldaw.
