Pinasingkedan ti Department of Justice (DOJ) a mabalin a maipa-ampon dagiti maladaga nga annak dagiti sangapulo ket tallo nga ina a naiyawid iti pagilian kalpasan a nag-pardonda idiay Cambodia nu saanda a kabaelan ida a biagen.
Naammoan a tallo kadakuada iti nagbiahe kaduada dagiti annakda idinto a dagiti dadduma ket masikog.
Segun ken ni DOJ Undersecretary Nicholas Felix Ty, iti agdama ket kitkitaenen ti Department of Social Welfare and Development (DSWD) ken National Authority for Child Care (NACC) nu kabaelanda dagiti ina nga aramiden ti akemna kas ina.
Nu kas bilang saanda a kabaelan ket agtalinaed pay laeng iti biang ti gobierno dagiti maladaga ken ikonsiderar ti posible a pannakaipaamponda.
Ti addang ket kalpasan a naisangpet ditoy pagilian dagiti sangapulo ket tallo a Pilipina a nag-pardon idiay Cambodia iti panaglabsingda iti human trafficking law.
