VIGAN CITY- Pinasingkedan ni Police Chief Superintendent Romulo Sapitula, regional director ti Police Regional Office 1, nga uppat a pulo ti nabigbig kas hotspot wennu areas of concern ditoy Region 1 ngem saan na a kayat a sawen a nariribok dagiti nasao a lugar ngem ketdi addalaeng dagiti insidente kadagiti nasao a lugar a napasamak a mabalin a makaapektar iti pulitika wennu nabara ti rinnisiris iti pulitika.
Segun ken ni Sapitula, linawas a mavalidate ti listaan dagiti areas of concern ket posible a kabayatan nga umas-asideg ti panagkampanya ti local level ket manayunan pay ti bilang dagiti lugar a maibilang nga areas of concern ditoy rehiyon.
Ngem, kinunana a nu isuna kuma iti masurot ket kaykayat na nga agbalin nga areas concern dagiti amin a lugar ditoy Ilocos Region tapnu nakaalerto amin dagiti pulis ken dagiti tattao.
