Ama idiay Russia, tinawen nga agsukat iti naganna tapno makalibas iti panangsustento iti putotna

Maysa nga ama idiay Russia ti nangpadas a libasan ti panagitedna iti child support babaen iti kanayonna a panagsukat iti nagan.

Gagemna nga allilawen dagiti otoridad ken maikkat ti utang ngem segun ken ni Roman Korenev, mangidaulo ti bailiff service idiay Tyumen, awan serbina daytoy a modus.

Inlawlawagna a no nagsukat iti nagan, otomatiko nga ireport ti registry office kadagiti bailiff, isu a saan a makalibas dagiti adda utangna.

Nadakamatna pay dagiti dadduma a modus dagiti sumagmamano a tattao, kas ti maysa a lalaki a nagpammarang nga adda agoraphobiana tapno malisyan ti pannakakumpiskar dagiti sanikua.