Nasarakanen ti bangkay ti ama a kadua ti menor de edad a nalmes idiay Calay-ab, Sto. Domingo, Ilocos Sur.
Iti pannaki-uman ti Bombo Radyo Vigan ken ni Provincial Disaster Risk Reduction and Management Office (PDRRMO) Officer Rhon Arquelada, alas nuebe itattay bigat a nasarakan iti kabaybayan a sakupen iti Calay-Ab, Sto. Domingo ti bangkay ni Rowell Morondoz Paat, agtawen iti tallopulo ket pito, naasawaan nga agnaed idiay Quezon City.
Segun ken ni Arquelada, ti nakakitaan ti bangkay iti ama ket asideg met laeng iti nakasarakan iti bangkay ti putotna a menor de edad.
Maipalagip a kagiddan iti panagkasangay ti menor de edad idi September 28, 2024 ket napanda iti kabaybayan iti nasao a lugar tapno agselebrar ngem isu metten iti pannakalmesda nga agama.
