Nangiruar ti advisory ti Philippine Institute of Volcanology and Seismology (Phivolcs) idi April 22, 2026 maipanggep iti ngumat-ngato a seismic activity iti Bulkang Bulusan.
Segun ti Phivolcs, nakairekordda iti 101 volcano-tectonic (VT) earthquakes manipod 4:50 ti bigat iti nasao nga aldaw a gappuanan iti panagputok dagiti bato iti uneg ti bulkan iti 2.5 kilometers manipod ti amianan a paset iti Bulusan.
No man pay ti degassing activity manipod iti summit crater ken dagiti aktibo a vent iti bulkan ket agtalinaed a nakapsot agingga kalalainganna ken ti sulfur dioxide emission ket adda iti 75 tons kada aldaw, ti panagpangato ti earthquake activity ket mabalin a mangipasimudaag iti shallow hydrothermal processes a mabalin nga agresulta iti steam-driven wenno phreatic eruptions iti ngiwat iti bulkan.
Gapu dayta, naibayog iti Phivolcs ti Alert Level 1 wenno low-level unrest idiay Bulusan a mangipasimudaag a posible iti phreatic eruptions.
Nabalakadan iti publiko nga agannad ken agsagana kontra kadagiti posible a peggad kas ti pyroclastic density currents (PDCs), ballistic projectiles, rockfall, avalanches ken ashfall a mabalin a mapadasan dagiti apektado a lugar.
