Nadundunor dagiti tallo a tattao iti aksidente a nakairamanan dagiti dua a motorsiklo iti national highway idiay Barangay Catayagan, Sta. Lucia, Ilocos Sur.
Dagiti karaman ket ti nagmaneho iti Honda beat motorcycle a ni Romeo Hafalla Rivera, agtawen iti innem a pulo ket uppat, naasawaan, mannalon nga agnaed idiay Barangay Luba, Sta. Lucia idinto a ti nagmaneho iti Rusi Gamma motorcycle ket ni Rodel Morla Barnachea, agtawen iti tallopulo ket maysa kaduana ni Mark Lanuza Olivar, agtawen iti duapul ket tallo nga agpada nga agnaed idiay Pudoc West, Tagudin.
Agpada nga agpapaamianan a direksyon dagiti dua a motorsiklo idin ti akin-sango a naka-Honda Beat motorcycle ket bimmuntog iti panagpatarayna ket idi nadanonna iti nasao a lugar, nagsikko iti kannigid ngem isu metten ti panangdungpar iti napaspas a patarayna a naka-Rusi Gamma motorcycle.
Gapu iti dayta ket agpapada a nadunor dagiti tallo isu a naipanda iti Sta. Lucia District Hospital para iti pannakatamingda.
