Inlawlawag ni AKO BICOL party-list Rep. Elizaldy Co a kasapulanna ti medical attention isu nga inibbatanna ti puesto a chairperson ti House Committee on Appropriations.
Segun kenkuana, narigat ti nagbalin a desisyonna nga ibbatan ti chairmanship ti Komite, ngem gapu ta demanding ti akakmanna a trabaho ket naapektaran ti salun-at na.
Agyamyaman ni Co iti Mayorya ti talek nga inpaayda a trabaho a maysa kadagiti adda nadagsen a responsibilidadna.
Impanakkelna met ti kolektibo a balligi na ti Kamara iti napalabas a tallo a tawen nga isuna ti nagakem nga Appropriations Chair, a kas ti idurdurona nga Ayuda sa Kapos ang Kita program, kasta met ti panangsigurado ti mabukbukel a national fund iti 8-point economic agenda ti Marcos Administration.
Kabayatanna, awan pay iti anunsiyo ti liderato no sino iti sumukat kenni Co.
