--Ads--
Impakaammo ni Agusan del Sur Governor Santiago Cane Jr. a mangted iti P1 million reward kadagiti atleta iti probinsiada a makaimaldit iti national records iti Palarong Pambansa 2026.
Nakaituding a maisayangkat idiay Agusan del Sur ti Palarong Pambansa manipod May 24 agingga 31.
Segun ti gobernador, ti nasao nga insentibo ket para laeng kadagiti atleta a makaimaldit iti national records ken saan laeng a records iti palaro.
Dayta pay ket rumbeng a sertipikaran ti Philippine Sports Commission (PSC).
-- ADVERTISEMENT --
Ti pakaammo ket kasaruno ti ganggani pannakaimaldit iti record performance ni Christine Castro iti 100 meters hurdles iti Caraga Regional Athletic Games idiay Surigao City.
