--Ads--
Impasigurado ti National Electrification Administration (NEA) nga awan ti agbalin a problema iti suplay ti kuryente kadagiti pagadalan iti panaglukat ti klase ita nga aldaw, Hunyo 8.
Pinasingkedan ni NEA Administrator Antonio Almeda a nainget ti koordinasion ti ahensia da iti Department of Education (DepEd) ken kadagiti electric cooperative tapno siguradoen ti agtultuloy a serbisio ti kuryente kadagiti pagadalan.
Awan ti temporario a parikut iti agdama a mabalin a makaapekto iti suplay ti kuryente kadagiti pagadalan nupay naka-yellow alert ti Visayas.
Impaganetget ti opisial a karaman dagiti pagadalan kadagiti kritikal a lugar a priyoridad dagiti electric cooperative.
-- ADVERTISEMENT --
