--Ads--

VIGAN CITY – Naikursong iti pagbaludan ti maysa a lalakia nagtatakaw ti cellphone.

Nabigbig ti suspek a ni Dominic Soliven, agtawen ti dua pulo ket dua nga agnaed idiay Pangpangdan, Sto. Domingo.

Ti tinakaw ti suspek a cellphone ket kukua ni Joshua Dumag, agtawen ti sangapulo ket walo nga agnaed idiay San Pablo, Sto. Domingo.

Inparking ni Dumag iti motorsiklo na ket inbati na iti compartment iti cellphone na ngem idi nagsublin, nakitana ti suspek nga adda iti abay ti motorsiklo ken nakaiserrek iti akin-kannigid nga ima na iti compartment sa nagtaray a nagpa-amiyanan idi naala na ti cellphone ti biktima.

Nagpaarayat kadagiti pannakabagi ti linteg ti biktima isu a nakemmeg ti suspek babaen ti hot pursuit operation.

Nadakamat dagiti pannakabagi ti linteg a ti suspek ket datin a nakasoan ti carnapping ngem saan a naibalud agsipud ta menor de edad pay laeng idi.

RELATED ARTICLESMORE FROM AUTHOR