Agsagsaganan nga agipila iti kaso dagiti agindeg ti Caoayan, Ilocos Sur mainaig iti kontrobersial a dredging operations iti lugarda.
Segun kadagiti agindeg, nangrugi ti dredging idi 2024 ken nayam-ammo kas proyekto a mangdalus iti Abra River tapno maliklikan ti layus.
Ngem kunada a dagiti maal-ala a darat ken mineral ket maip-ipan iti maysa a reclamation area idiay Manila.
Pinasingkedan ni Atty. Estelita Cordero, abogado dagiti apektado nga agindeg, a mamati ti komunidad a saan laeng a simple a dredging ti maar-aramid no di ket black sand mining a nangapektar iti turismo ken pagbiagan dagiti agindeg.
Gapu dayta, plano dagiti agindeg ti agidarum iti Office of the Ombudsman kontra ken ni Singson ken sumagmamano nga opisial ti Ilocos Sur gapu ta immannugotda iti nasao nga operasion.
