Pinaglibakan ti National Bureau of Investigation (NBI) ti sarita ni Senador Imee Marcos nga adda bilin ni Pres. Ferdinand Marcos Jr. a kemmegen ni Senador Ronald Bato dela Rosa iti aniaman a wagas, uray adda iti madunor.
Segun ken ni NBI Director Melvin Matibag, awan iti nairuar a bilin ti presidente ken awan ti operasyon tapno kemmegen ni Dela Rosa iti Senado.
Inlawlawag pay ti NBI a no ti ibagbaga ni Sen. Imee ket ni Mel Aragon, ti driver a nakemmeg maipanggep iti insidente iti pammaltog idiay Senado idi May 13 ket saan isuna nga NBI agent ken saan nga empleado iti ahensya, no diketdi volunteer laeng a simmurot iti operasyon.
Kinuna ni Matibag, nalawag a bilin ti presidente nga awan ti panagkemmeg ken awan ti pilit a panangserrek iti Senado kas panagrespeto iti proseso iti Korte Suprema maipanggep ti makidkiddaw a TRO ni Dela Rosa.
Innayon ti ahensya a dagiti kameng a naipatulod iti GSIS compound ket nabilin nga agmonitor laeng iti sitwasyon ken awan ti otoridadda nga agkemmeg.
