VIGAN CITY – Dua a baro a kaso ti Covid19 ti nairekord manen iti Ilocos Sur manipud iti Tablac, Candon City nga itan ket umaboten iti siam a pulo ket pito ti total cases.
Ti maikasiam a pulo ket innem a pasyente ket agtawen iti uppat a pulo a babai, college instructor a nagpositibo iti antigen test ken adu dagiti nakapulapolna.
Gurigor ken barado nga agong ti narikna ti pasyente a nai-expose kadagiti katrabahoanna iti ruar ti probinsia.
Kabayatanna, ti maika siam a pulo ket pito a local patient, asawa ti maikasiam a pulo ket innem a pasyente nga agtawen iti uppat a pulo ket maysa.
Nagpaparaw, nagpanateng, naguyek ken barado nga agong ti narikna ti pasyente ken awan ti travel history-na.
Nupay kasta, mangrugi iti November 13 agingga November 27 ket maidalan iti extreme enhanced community quarantine dagiti lugar a naibilang a critical zone, modified enhanced community quarantine dagiti lugar a naibilang a containment zone ket general community quarantine dagiti lugar a naibilang a buffer zone.
