Agama idiay ili ti Bantay, suspek iti panagrames kadagiti agkabsat nga agtawen ti 17 ken 14

VIGAN CITY – Hustisya ti kiddaw ti pamilya dagiti biktima nga agkabsat a mapapati a rinames ti bukodda nga uliteg ken kasinsin idiay ili ti Bantay.

Segun ti tumaktakder a guardian dagiti biktima nga agtawen ti sangapulo ket pito ken sangapulo ket uppat, nakaipiladan ti kaso kontra kadagiti agama a suspek tapno iti kasta ket maisardengen dagiti dakes nga aramidda.

Mamin uppat a daras a rinames ti uliteg da ti agtawen ti sangapulo ket pito idinto a ti biktima nga agtawen ti sangapulo ket uppat ket rinames ti bukod na a kasinsin.

Napasamak ti panagrames idi nakipagnaed dagiti biktima iti balay dagiti suspek idi narenovate iti pagtaengan da.

Ti agdama, madengdengngegen iti kaso idiay korte ken mangnamnama ti pamilya dagiti biktima a masentensyaan dagiti suspek tapno maikaroda ti basulda.