--Ads--
Pagyamanan ni Jeremy Magaoay, taga-Pasuquin, Ilocos Norte a natalgedda nga agaama kalpasan ti pannakaitayab ti isimda iti kangitingitan ti panagduprak ti bagyo Marce.
Iti pannaki-uman ti Bombo Radyo Vigan ken ni Magaoay, damo a mapasaranda iti kastoy kakaro nga epekto ti bagyo ket ibilangna a baro a biagda nga agaama ta natalged ti agdama a kasasaaddan.
Innayonna a rabii idi maitayab ti intero nga isim ti balayda gapu iti kapigsa ti angin isu a riniriingna pay dagiti putotna tapno makabakwit nga insigida.
Nupay kasta, kiddawenna iti tulong kadagiti nasayaat ti panagpuspusona para iti pannakatarimaan ti isim ti balayda.
-- ADVERTISEMENT --
