Suportaran ti Armed Forces of the Philippines (AFP) dagiti sarita ti Department of National Defense (DND) maipanggep ti 4-day ceasefire declaration ti Communist Party of the Philippines-New People’s Army (CPP-NPA).
Segun ken ni AFP Spokesperson Col. Francel Margareth Padilla, nakapokus iti intero a militar iti panangipatungpal ti mandatoda a salakniban dagiti umili iti intero a pagilian.
Kinunana a kas iti insuro ti DND ket agtultuloy dagiti operasyon ti militar ket impaganetgetna ti nainget a koordinasyonda ti Philippine National Police (PNP).
Kabayatanna, siguradoen ni Padilla nga iti intero a biang ti AFP ket agtalinaed a naalibtak ken agbantay iti seguridad iti publiko tapno maiduron ti nakappia ken natalged a paskua para iti amin a Pilipino.
