Nagikkaten iti puesto ti retirado a heneral a ni General Carlito Galvez Jr. kas Presidential Adviser on Peace, Reconciliation and Unity iti kabaroan a reorganisasyon iti Gabinete ni Presidente Ferdinand Marcos Jr.
Sinukatan ni Galvez ni Mel Senen Sarmiento, dati a secretary ti Department of the Interior and Local Government iti administrasion ni dati a Presidente Benigno ‘Noynoy’ Aquino III.
Dayta ket kasaruno ti maysa pay a transition iti biang dagiti security official, kalpasan a nagretiro ni Eduardo Año kas National Security Adviser ken sinukatan ti dati a Chief of Staff ti Armed Forces of the Philippines a ni Eduardo Oban Jr., a nagserbi met laeng iti Aquino administration.
Segun kadagiti opisial, paset dagitoy a panagbalbaliw nga agtultuloy ti reorganisasion iti Gabinete ti administrasion.
